
Yekitiya Neteweyî ya Jinên Kurd: Cezayên darvekirinê betal bikin  

2025-08-27 13:31:17


	NAVENDA NÛÇEYAN - Înîsiyatîfa Yekitiya Neteweyî ya Jinên Kurd a li Ewropayê bang li rejîma Îranê kir ku cezayên darvekirinê yên li aktîvîstên jin hatine birîn tavilê betal bike.&nbsp;

	&nbsp;

	Înîsiyatîfa Yekitiya Neteweyî ya Jinên Kurd a li Ewropayê têkildarî sepanên rejîma Îranê yên li dijî jinan û biryarên darvekirinê daxuyanî da. Di daxuyaniyê de hate gotin ku 39’emîn Daîreya Dadgeha Bilind a Îranê di 16’ê Tebaxê de cezayê darvekirinê yê aktîvîsta Kurd Şerîfe Mihemedî ku li Girtîgeha Lakanê ya li Reştê tê ragirtin erê kiriye. Înîsiyatîfê bertek nîşanî biryarê da.&nbsp;

	&nbsp;

	Înîsiyatîfê, destnîşan kir ku Şerîfe Mihemedî li hemberî dijminê jinan û hêzên faşîst sembola têkoşîn û azadiyê ye. Înîsiyatîfê, cezayê darvekirinê şermezar kir û got dê van kiryaran tu carî qebûl nekin. Înîsiyatîfê, her wiha li dijî cezayê darvekirinê yê Werîşe Mûradî û Pexşan Ezîzî jî derket û bang li rejîma Îranê kir ku van biryaran tavilê betal bike.&nbsp;

	&nbsp;

	Înîsiyatîfa Yekitiya Neteweyî ya Jinên Kurd a Ewropayê, bang li saziyên mafên mirovan kir ku li hemberî van kiryarên faşîst ên li dijî mafên jinan bêdeng nemînin.

	&nbsp;

	&nbsp;

	&nbsp;

	&nbsp;