
Ferdên malbata Acar nehatin berdan 

2018-06-19 17:28:57


	&nbsp;

	ÊLIH – Danişîna doza 5 jê girtî 6 ferdên malbata Acar li 2’yemîn Dadgeha Cezayê Giran a Êlihê derketin pêşberî dadger. Ferdên malbatê berdana xwe daxwaz kirin, heyeta dadgehê daxwaza wan red kir û biryara dewama girtinê da.&nbsp;

	&nbsp;

	Di 18’ê çileya 2016’an de li Êlihê di serdegirtina malê de bi îdaiaya “Endamê rêxistinê ne” 6 endamên malbata Acar hatin binçavkirin. 5 jê girtî 6 ferdên malbatê ku tên darizandin derketin pêşberî dadger. 5’emîn danişîna doza malbatê li 2’yemîn Dadgeha Cezayê Giran a Êlihê hat dîtin. Ferdên malbatê ku li girtîgehên cuda ne bi SEGBÎS’ê tev li danişînê bûn.&nbsp;

	&nbsp;

	Dozger mutalaya di danişîna 24’ê gulana 2018’an de dabû dubare kir. Dozger xwest girtina ferdên malbatê bidome.&nbsp;

	&nbsp;

	‘EM BERDANA XWE DIXWAZIN’&nbsp;

	&nbsp;

	Parêzerê malbatê Tahîr Îmret berdana miwekîlên xwe xwest û ji bo parastinê dem xwest. Hasan, Bakî, Suzan (Zozan) Acar bi kurdî parastina xwe kirin û gotin: “Eleqeya kelûpelên behsa wan tê kirin û hatine desteserkirin bi me re nîne. Em hemû ferdên malbatê girtî ne. Em berdana xwe dixwazin.”&nbsp;

	&nbsp;

	Ji ferdên malbatê Halîme Acar jî ji Girtîgeha Jinan a Xarpêtê dimîne ji ber SEGBÎS’ê amade nekiribûn nikaribû parastina xwe bike.&nbsp;

	&nbsp;

	Piştî parastinan heyeta dadgehê biryara dewama girtina ferdên malbatê da û danişînê taloqî 11’ê tîrmehê kir.&nbsp;

	&nbsp;

	&nbsp;