
Kesên hatin binçavkirin tînin Enqereyê 

2024-11-26 15:25:49


	&nbsp;

	ENQERE - Îro di danê sibehê de gelek kes hatin binçavkirin. Binçavkiriyan di çarçoveya lêpirsînê de tînin Enqereyê.&nbsp;

	&nbsp;

	Di çarçoveya lêpirsîna Serdozgeriya Komarê ya Enqereyê de îro li Amed, Stenbol, Mêrdîn, Şirnex û Enqere jî di nav de li 19 bajaran bi ser malan de hate girtin. Di serdegirtinên malan de hevşaredar, rojnameger, siyasetmedar, parêzer û sendîkavan jî di nav de gelek kes hatin binçavkirin û ji bo karûbarên îfadegirtinê tînin Enqereyê.&nbsp;

	&nbsp;

	TÊ PAYIN KU ÎFADE DI ROJA ÎNÊ DE BÊN GIRTIN&nbsp;

	&nbsp;

	Tê payin ku îfadeyên binçavkiriyan di roja înê de bên girtin. Hat diyarkirin ku di dosyayê de biryara bisînorkirinê heye.&nbsp;

	&nbsp;

	ÎFADEYÊN ŞAHIDAN Û PARVEKIRINÊN LISER MEDYAYA DIJÎTAL&nbsp;

	&nbsp;

	Hat zanîn ku di dosyaya lêpirsînê ya bi îdiayên “endamtiya rêxistinê” û “propagandaya rêxistinê hatine destpêkirin de îfadeyên şahidên eşkere û nepen jî hene. Hat zanîn ku Cîgira Hevseroka Giştî ya DEM Partiyê ya ji Komîsyona Kedê Berpirsyar Sevtap Akdag Karahanli ji ber parvekirinên li ser medyaya dijîtal hatiye binçavkirin.&nbsp;

	&nbsp;