
Xelkê Êlihê li dijî xespkirina îradeyê meşiya: Em ê bi ser kevin

2024-11-15 14:08:18


	ÊLIH -&nbsp;Parlamenterê DEM Partiyê Alî Bozan bertek nîşanî tayînkirina qeyûman da û got: “Qeyûmê herî mezin li qesrê rûdine.” Hevseroka DEM Partiyê ya Êlihê Songul Korkmaz jî banga tevlibûna mitînga 17’ê mijdarê kir.

	
		Çalakiyên protestokirina tayînkirina qeyûman a li şaredariyên Mêrdîn, Êlih û Xelfetî ya Rihayê berdewam in. Çalakiyên protestoyî yên li Êlihê di roja 12’an de berdewam dikn. Hevseroka Giştî ya Partiya Herêmên Demokratîk (DBP) Çîgdem Kiliçgun Uçar, parlamenterên Partiya Wekhevî û Demokrasiyê ya Gelan (DEM Partî), aktîvîstên Tevgera Jinên Azad (TJA), endamên Meclisa Dayikên Aştiyê û gelek welatî tev li çalakiyê bûn.&nbsp;
	
		&nbsp;
	
		Girseya ku li Parka Yilmaz Guney hate gel hev, bi dirûşmên “Em ê bi berxwedanê bi ser kevin”, “Qeyûm talan e, berxwedan jiyan e” ber bi Xaçerêya Basinê ve meşê li dar dixin. Girseyê li vir daxuyanî da.&nbsp;
	
		&nbsp;
	
		‘QEYÛMÊ HERÎ MEZIN LI QESRÊ YE’
	
		&nbsp;
	
		Parlamenterê DEM Partiyê Alî Bozan di daxuyaniyê de axivî û got ku qeyûmê herî mezin li qesrê rûdine. Bozan, wiha domand: “Yê ku rejîma qeyûman ava kirî, Erdogan e. Qeyûm, pirsgirêka hemû gelên vî welatî ye. Qeyûm xesp e, talan e, dizî ye û xesp e. Em ê hem rejîma qeyûm hem jî ya tecrîdê ji holê rakin. Em berxwedana gelê Êlihê silav dikin. Heta rejîma qeyûman bi dawî dibe jî dê têkoşîna me bidome.”&nbsp;
	
		&nbsp;
	
		‘QEYÛM TALAN E, BERXWEDAN JIYAN E’
	
		&nbsp;
	
		Parlamenterê DEM Partiyê yê Amedê Cengîz Çandar jî got ku berxwedana gelê Êlihê ji bo hemû cîhanê dibe mînak. Çandar, diyar kir ku îradeya gelê kurd hatiye xespkirin. Çandar, got: “Qeyûm talan e, berxwedan jiyan e. Hezar silav ji gelê me yê berxwedêr re.”&nbsp;
	
		&nbsp;
	
		BANGA TEVLIBÛNA MITÎNGÊ
	
		&nbsp;
	
		Hevseroka DEM Partiyê ya Êlihê Songul Korkmaz jî ji bo mitînga 17’ê mijdarê ya “Demokrasî û Azadiyê” ev bang kir: “Em ê mitînga xwe li Xaçerêya Dortyolê li dar bixin. Em bang li gelê xwe dikin ku roja yekşemê saet di 13.00’ê de bên pêşiya avahiya DEM Partiyê.”&nbsp;
	
		&nbsp;
	
		Daxuyanî, bi dirûşmên “Em ê bi berxwedanê bi ser kevin” û “ “Bijî berxwedana Batmanê” bi dawî bû.&nbsp;
	
		&nbsp;
	
		Berxwedana gel a li Xaçerêya Basinê didome.&nbsp;
	
		&nbsp;
	
		
		&nbsp;


	&nbsp;