Xelkê Mexmûrê ji bo hilbijartina hevşaredarên nû çû ser sindoqê

2024-04-12 10:24:32


	NAVENDA NÛÇEYAN - Xelkê Mexmûrê ji bo bijartina hevşaredarên nû çûn ser sindoqê. 

	 

	Xelkê Wargeha Penaberan a Mexmûrê ji bo hilbijartina hevaşaredarên nû, ji saetên serê sibehê ve çûn ser sindoqê. Li 8 navendên wargehê sindoq hatine danîn û dengdayîn didome. Di hilbijartinê de 4 namzetên hevşaredariyê û 20 endamên encumeniyê di pêşpirkê de ne.  Ji wan dê du hevşaredar û 7 encumen bên hilbijartin. 

	 

	Dengdayîn serê sibehê saet di 08.00’ê de dest pê kir û dê saet di 17.00’ê de bi dawî bibe. 

	 

	Hilbijartinên li kampê her du salan carekê tên lidarxistin.