
Li Semsûrê meşa meşaleyî ya Newrozê 

2024-03-21 08:48:59


	&nbsp;

	SEMSÛR / COLEMÊRG - Di çarçoveya pîrozbahiyên Newrozê de bi sedan kesan li Semsûrê meşeke bi meşaleyan li dar xistin. Li Colemêrgê jî ciwanan ji bo bîranîna Mazlum Dogan agir vêxistin.&nbsp;

	&nbsp;

	Şevê din li navçeya Kolik a Semsûrê meşa meşaleyî ya Newrozê hat lidarxistin. Meş, ji hêla Rêxistina Partiya Wekhevî û Demokrasiyê ya Gelan (DEM Partî) ve hat organîzekirin. Bi sedan welatiyên li Parka Îbn-î Mîrzayê hatin gel hev, meşale vêxistin û bi pankarta “Newroz pîroz be, Rabe!” dest bi meşê &nbsp;kirin.&nbsp;

	&nbsp;

	Di meşê de alên DEM Partiyê hatin hilgirtin û beşdaran dirûşmên “Bimre koletî, bijî azadî”, “Jin, jiyan, azadî” û “Bijî Newroz” berz kirin.&nbsp;

	&nbsp;

	Li her kolanê meşvan ji hêla welatiyan ve bi nîşaneyên serkeftinê û çepikan hatin pêşwazîkirin.&nbsp;

	&nbsp;

	Meş heta pêşiya buroya pêwendîdanînê ya hilbijartinê ya DEM Partiyê bi dawî bû. Namzetê hevşaredariyê yê Kolikê Osman Ozbek li vir bangî gel kir û spasiya hemû kesên tev li meşê bûbûn kir. Ozbek, wiha got: “Newroz, berxwedana Kawayê Hesinkar a li dijî zilmê ye. Newroz, li Zindana Amedê berxwedana li dijî zilmê ye. Newroz, berxwedana gelê kurd a li dijî zilmê ye. Newroz, demokrasî ye, yekitî ye û hêza hevgirtinê ye.”&nbsp;

	&nbsp;

	Gotinên Ozbek gelek caran bi dirûşmên “Em ê bi berxwedanê bi ser kevin” hate birîn. Di çalakiyê de dahol û zirne hatin lêxistin û welatiyan li ber stranên kurdî govend gerandin.&nbsp;

	&nbsp;

	JI BO BÎRANÎNA MAZLUM DOGAN AGIRÊ NEWROZÊ HATE VÊXISTIN&nbsp;

	&nbsp;

	Duh bi şev li navçeya Gever a Colemêrgê jî Newroz hate pîrozkirin. Ciwanên ku hatin cem hev, ji bo bîranîna Mazlum Dogan ku bi&nbsp;sê zilikên şixarteyê Newroz pîroz kiribû,&nbsp;agirê Newrozê vêxistin û fîşekên hewayî teqandin.&nbsp;

	&nbsp;