
Newroza Cizîrê zû dest pê kir 

2024-03-20 11:58:12


	ŞIRNEX - Pîrozbahiya Newrozê ya Cizîrê zû dest pê kir. Welatiyên ku bi saetan berê hatin qadê, dest bi pîrozbahiyan kirin.&nbsp;

	&nbsp;

	Pîrozbahiya Newroza navçeya Cizîrê ya Şirnexê di saetên zû de dest pê kir. Newroza îsal bi dirûşma “Rabe dema azadî û serkeftinê ye” tê pîrozkirin. Ji bo pîrozbahiya Newrozê, kelecaneke mezin a xelkê Cizîrê heye. Xelkê navçeyê di saetên zû yên serê sibehê de berê xwe dan qadê.&nbsp;

	&nbsp;

	Welatiyên gihiştin qadê, li ber noqteyên lêgerînê yên ji hêla polîsan ve hatine danîn hatin sekinandin. Welatî bi saetan li vir hatin sekinandin û piştre karîn bikevin qadê.&nbsp;

	&nbsp;

	Polîsan destûr nedan ku fular û cil û bergên bi rengên kesk, sor û zer bikevin qadê. Her wiha destûr nedan ku gel bi kumikan jî bikeve qadê. Lewma bi sedan kes neçar man ku kumên xwe derxînin û li derveyî qadê hiştin.

	&nbsp;

	Gelemperiya welatiyan bi cil û bergên kurdî tev li pîrozbahiyê dibin. Welatiyên ketin qada pîrozbahiyê, li ber dahol û zirneyan govend gerandin û li benda destpêkirina bernameyê ne. &nbsp;

	Hêj jî bi hezaran kes diherike qada Newrozê û tê payîn ku hejmareke zêde tev li pîrozbahiyê bibe.&nbsp;

	&nbsp;

	Hevserokê Giştî yê Partiya Herêmên Demokratîk (DBP) Keskîn Bayindir û Parlamentera DEM Partiyê ya Şirnexê Ayşegul Dogan dê di pîrozbahiyê de biaxivin. Piştî axaftinan jî dê Koma Sorjiyan, Hîvron û hunermendên herêmî derkevin ser dikê û stranên xwe bibêjin.&nbsp;

	&nbsp;