
Ji Newroza Êlihê çendek nîşe 

2024-03-19 16:52:25


	&nbsp;

	ÊLIH - Bi deh hezaran kes tev li pîrozbahiya Newrozê ya Êlihê bûn û gelek caran dirûşma "Bijî Serok Apo" hate berzkirin. Her wiha pankarta “Zîhniyeta DAIŞ’ê dê li Êlihê li hemberî Jin, Jiyan, Azadiyê têk biçe” bal kişand.&nbsp;

	&nbsp;

	Bi deh hezaran kes tev li pîrozbahiya Newroza Êlihê bûn. Pîrozbahî bi gerandina govendê dom kir. Gelek caran dirûşma "Bijî Serok Apo" û "Bijî berxwedanan zindanan" olan da û bi hezaran welatiyên ku guh nedan hewayê sar, li ber stranan govend gerandin û rê li ber dîmenên rengîn vekirin.&nbsp;

	&nbsp;

	Çendek nîşeyên di Newroza Êlihê de derketin pêş wiha ne:&nbsp;

	&nbsp;

	* Gelemperiya welatiyan bi berstû, kim û puşiyên bi rengên kesk, sor û zer tev li pîrozbahiyê bûn.&nbsp;

	&nbsp;

	* Ji destpêka pîrozbahiyê heta dawiyê bênavber dirûşmên "Bê Serok jiyan nabe" û "Bijî Serok Apo" hatin berzkirin.&nbsp;

	&nbsp;

	* Hinek ciwan derketin ser stûnên li qadê û bûn hevparên coşa li qadê.&nbsp;

	&nbsp;

	* Pankarta herî balkêş bû pankarta ‘Zîhniyeta DAIŞ’ê dê li Êlihê li hemberî Jin Jiyan, Azadiyê têk biçe.”&nbsp;

	&nbsp;

	* Hinek jinan bi guharkên bi resmên Abdullah Ocalan pîrozbahî li dar xistin.&nbsp;

	&nbsp;

	* Ciwanên ku li qada pîrozbahiyê li ser milan tur avêtin, rê li ber dîmenên rengîn vekir.&nbsp;

	&nbsp;

	* Hevserokê Giştî yê DEM Partiyê Tuncer Bakirhan îşaret bi HUDA-PAR’ê kir û wiha got: “Hûn li van kesên ku îro li vir dikenin nenihêrin, di girtina Selahattîn Demîrtaş û Gultan Kişanak de tiliya van heye. Dev ji nasnameya xwe ya îtîrafkariyê ya di Doza Kompasê ya Kobanê de berdin.”&nbsp;

	&nbsp;

	* Dayikên di Nobeta Edaletê de jî bi pêşmalkên “Tecrîd sûcê li dijî mirovahiyê ye” nobeta xwe domandin.&nbsp;

	&nbsp;

	* Hunermend Suavî, zarok vexwend ser dikê û hêviya “Cîhaneke ku zarok tê de namirin” qêriya.&nbsp;

	&nbsp;

	* Rûpoşên ‘V for Vandettalar' bal kişand.&nbsp;

	&nbsp;

	* Hevjînên ku bi cil û bergên kurdî ji Semsûrê hatin û tev li pîrozbahiyê bûn rastî eleqeyeke mezin hatin.&nbsp;

	&nbsp;

	* Ciwanan di pîrozbahiya îsal de jî kevneşopiya “firînê” domandin.&nbsp;

	&nbsp;