
Hevdîtina jinan a mezin dest pê kir: Dilê me ji bo azadiyê lê dide

2021-03-06 17:09:02


	STENBOL - Li Kadikoya Stenbolê, bi hezaran jinên li hev kom bûn, dest bi “Hevdîtina Jinan a Mezin” kirin. Jin, bi pankarta “Em ê Azadiya xwe Qezenc bikin” û dowîzan ketin qadê.

	&nbsp;

	Hevdîtina mezin a jinan a bi pêşengtiya Platforma Jinan a 8’ê Adarê bi şîara “Em ê Azadiya xwe Qezenc bikin” li Qada Îskeleyê ya Beşîktaşê ya li Kadikoyê, bi kombûyîna jinan re dest pê kir.&nbsp;

	&nbsp;

	Polîsan berî hevdîtinê Qada Îskeleyê dorpêç kirin. Jin, ji gelek aliyan ve ber bi qadê ve meşiyan. Jinên ku li ser Cadeya Caferaga kom bûn, ber bi qadê ve meşiyan.&nbsp;

	&nbsp;

	Jinên HDP û HDK’ê jî, bi berzkirina dirûşmeyên “Jin jiyan azadî” û “Jin wê êdî bêdeng nemînin” ber bi qadê ve meşiyan. Polîsan xwestin berzkirina dirûşmeyên jinan asteng bikin, lê vê carê jî jinan bi lêxistina erbaneyan û tilîliyan bersiv dan polîsan.&nbsp;

	&nbsp;

	Jinên ku heya Îskeleyê meşiyan, ji aliyê esnafan ve bi lêxistina çepikan hatin destekirin. Piştî ku jin gehiştin qadê di lêgerînê re derbas bûn û yek bi yek ketin qadê.

	&nbsp;

	Jin bi kincên xwe yên reng bi reng, pankartên xwe yên daxwazên xwe li ser nivîsandibûn û dowîzan ketin qadê. &nbsp;Jinên ku ketin qadê cardin dirûşme berz kirin û li tilîliyan xistin. Hevdîtina jinan a dest pê kir, dewam kir.&nbsp;