
Ji bo qeyûm û burokratên îthalê torpîla meaş

2021-01-25 12:45:00


	&nbsp;

	AMED &nbsp;- Derket holê ku qeyûm ji bo burokratên ji derve anîn, berî bên bajêr di navbera 5 û 7 hezar TL meaş digirtin, lê piştî tayînî şaredariyê hatin kirin, bi 26 hezar û 500 TL’an dixebitin.

	&nbsp;

	Di pêvajoyeke ku her roj krîza aborî mezin dibe, bêkarî zêdetir dibe, xizantî kûrtir dibe û welatî ji çopê nan kom dikin de, derket holê ku burokratên tayînî Şaredariya Bajêr Mezin a Amedê hatin kirin, ji şaredariyê 2-3 meaşan digirin.&nbsp;

	&nbsp;

	&nbsp;Li gorî nûçeya rojnameya Tîgrîsê ya li Amedê weşanê dike, ev burokratên tayînî Amedê hatin kirin, berê di karên di xebatîn de, 5 an jî 7 hezar 500 TL meaş digirtin. Lê piştî tayînî şaredariyê hatin kirin, meaşê wan zêde bû û her mehê di navbera 12 &nbsp;û 26 hezar û 500 TL’an de meaş digirin. &nbsp;&nbsp;

	&nbsp;

	Qeyûmê tayînî cihê Hevşaredarê Bajarê Mezin ê Amedê Selçûk Mizrakli hat kirin, bi skandaleke nû re ket rojevê. Qeyûm Cûmalî Atîlla berî ku Mizrakli ji peywirê bê girtin, ji derveyî bajêr rêveberî di anîn û di şaredariyê de bi cih dikirin. Waliyê Amedê û qeyûmê Şaredariya Bajarê Mezin Munîr Karaloglû jî, hemû serokatiyên daîreyan û rêveberên yekîneyên jêr ên şaredariyê ji derveyî bajar anîn û di rêveberiyê de bi cih kirin.&nbsp;

	&nbsp;

	Karaoglû, burokratên ji derveyî bajêr anîn, meaşê wan zêde kirin. Burokratên hatin dayîn kirin, ji yekê zêdetir meaş digirin. Ev burokrat niha di navbera 12 hezar û 26 hezar û 500 TL de maeş digirin.

	&nbsp;

	QEYÛM Û WALIYÊ BERÊ JÎ 4 MEAŞ DIGIRTIN

	&nbsp;

	Hat dest nîşan kir ku qeyûm berê Hasan Basrî Guzeloglû jî, ci 4 cihên cuda yên weke walîtiyê, qeyûm, DÎSKÎ û Serokatiya Lijneya Rêveberiya MED AŞ meaş digirtin.&nbsp;

	&nbsp;