
Di doza rojnameger Şahîn de, wê şahid bê guhdarkirin

2021-01-20 12:35:50


	&nbsp;

	&nbsp;

	AMED - Di doza nûçegihana Rojnameya Yenî Yaşam ê Hatîce Şahîn ku ji xebatên KCD’ê tê darizandin de, biryar hat dayîn ku şahidên nepen bên guhdarkirin.&nbsp;

	&nbsp;

	Yekemîn danişîna doza derbarê nûçegihana Rojnameya Yenî Yaşamê Hatîce Şahîn ku di operasyona 9’ê Cotmeha 2018’an de, hatibû binçavkirin û dûre hatibû berdan li 9’emîn Dadgeha Cezayê Giran a Amedê hat dîtin. Şahîn bi hinceta, hevdîtinên telefonê yên bi hempîşeyên xwe û çavkaniyên nûçeyê re kirine, îfadeyên şahide nepen, bilêtên balafirê yên Stenbol-Amedê û xebatên Kongreya Civaka Demokratîk (KCD) bi îdîaya “Endamtiya rêxistinê” tê darizandin. Rojnameger Şahîn û parêzerê wê Resûl Tamûr di danişînê de amede bûn. Bi hinceta şewba vîrûsa koronayê (Kovî-19) destûr nehat dayîn ku kesek din danişîna Şahîn bişopîne.&nbsp;

	&nbsp;

	‘WEKE ROJNAMEGEREKÊ LI KCD’Ê BÛM’

	&nbsp;

	Piştî danasîna nasnameyê û xwendina kurteya îdîanameyê danişînê dest pê kir. Şahîn dûre paratin kir û wiha xwe parast: “Ez sûcdariyên li ser xwe qebûl nakim. Îfadeyên şahidê nepen ên derbarê min de jî dane, derewin. Hemû îftîrane. Ez tu carî tevlî xebat û civînên KCD’ê nebûme. Min weke rojnamegerekê xebatên KCD’ê şopandine. Ez bi navê rojnamegertim diçûm avahiya KCD’ê. Di hevdîtinên min ên telefonê de jî, rewşeke rêxistînî tuneye û hemû axaftinên min ji rêzê ne.”

	&nbsp;

	Parêzser Resûl Tamûr jî, di parastina kir de wiha got: “Şahîdên nepen ên qala wan tên kirin, derbarê gelek rojnamegeran de îfade dane. Em dixwazin hemû îfadeyên şahidên nepen û teşxîsên kirine, di dosyeya dozê de cih bigirin.”

	Piştî axaftina parêzer, dozger xwest bergiriya kontrola edlî ya derbarê Şahîn de dewam bike û şahidên nepen bên guhdarkirin.

	&nbsp;

	ŞAHIDÊN NEPEN DÊ BÊN GUHDARKIRIN

	&nbsp;

	Şandeya dadgehê, piştî navberê, daxwaza dozger qebûl kir û biryar da ku şahidên nepen ên bi navê “Fîrar” û “Ezel bên guhdar kirin û bergiriya kontrola edlî ya derbarê &nbsp;Şahîn de dewam bike.

	&nbsp;

	Dadgehê di heman demê de, daxwaza parêzer a hemû îfadeyên şahidên nepen û teşxîsên kirine, di dosyeya dozê de cih bigirin jî, red kir danişîn taloqî 24’ê Adarê kir.&nbsp;

	&nbsp;