
Hrant Dînk li Enqereyê hat bibîranîn 

2021-01-19 17:02:03


	&nbsp;

	ENQERE – Gelek saziyên li Enqereyê Hrant Dînk bibîr anîn. Hevserokê ÎHD’ê Ozturk Turkdogan got divê cînayeta Dînk bi hemû rehendên xwe derkeve holê.&nbsp;

	&nbsp;

	Komeleya Mafê Mirovan (ÎHD), Weqfa Mafê Mirovan a Tirkiyê (TÎHV), Rêxistina HDP’ê ya Bajêr a Enqereyê, Partiya Komunîsta a Kurdistanê (KKP), Malêngel, Komeleya Demokratîk a Elewiyan (DAD), Alinterî, &nbsp;Partiya Şoreşger a Yekbûyî, Partîzan, &nbsp;Partiya Karkeran a Tirkiyê (TÎP), Kongreya Demokratîk a Gelan (HDK), Partiya Jinûve Demezrandina Sosyalîst (SYKP), Kaldiraç, AKADER, Federasyona Meclîsên Sosyalîst, Komeleya Ciwanên Şoreşger, Hewldana Raman û Azadiyê ya Enqereyê bi awayek hevpar di salvegera 14’emîn a qetilkirina Hrant Dînk de bibîr anîn.&nbsp;

	&nbsp;

	Daxuyaniya bîranînê li ber avahiya Şaxa ÎHD’a Enqereyê di dorpêça polîsan de pêk hat. Hevserokê Giştî yê ÎHD’ê Ozturk Turkdogan anî ziman ku ew rojnamevan û parêzvanê mafê mirovan Hrant Dînk bi hezkirin û rêzdarî bibîr tînin. Turkodgan destnîşan kir ku ji bo cînayeta Dînk eşkere bibe wê têkoşîna wan a edaletê bidome û divê cînayeta Dînk bi hemû rehendên xwe derkeve holê û edalet pêk were.&nbsp;

	&nbsp;

	Daxuyanî bi berzkirina dirûşman bi dawî bû.&nbsp;

	&nbsp;