
Li Licê serdegirtina malan: Gelek kes binçav kirin 

2021-01-19 15:45:19


	AMED – Hat zanîn ku li navend û gundên navçeya Licê leşkeran bi ser gelek malan de girtiye û herî kêm 35 kesan binçav kirine.&nbsp;

	Operasyona leşekrî ku di 9’ê çileyê de li gundên Cinezur, Dêrxust, Hiseynik û Mişrefê yên navçeya Licê ya Amedê hatibû destpêkirin, didome. Di roja destpêkê ya operasyonê de di navbera HPG’iyan û leşekran de şer derketibû û leşkerek jiyana xwe ji dest dabû û 3 leşker jî birîndar bûbûn. Piştî van bûyeran leşkeran li gundên herêma operasyonê bi ser malan de girtibûn û 8 kesan bi hinceta “endamtiya rêxistinê” binçav kiribûn û piştre hatibûn girtin.

	&nbsp;

	Leşkerên ku li herêmê operasyonê didomînin, îro serê sibehê li navend û gundên Dêrxust, Xezmaz û Sîsê bi ser gelek malan de girtin. Dema serdegirtinê leşkeran guından bi maşîneyên zirxî dorpêç kirin û amûrên li malan ji hev belav kirin. Hat hînbûn ku di serdegirtinan de herî kêm 35 kes hatine binçavkirin.

	&nbsp;

	Kesên ku nayê zanîn ji ber çi hatine binçavkirin leşkeran wan bi maşîneyên zirxî birin Qereqola Cendirmeyan a Navçeyê ya Licê.&nbsp;

	&nbsp;