Li Çewlig, Amed û Sêrtê rêya bi sedan gundan hat girtin 2021-01-19 14:56:59   NAVENDA NÛÇEYAN – Li Çewligê ji ber berfê rêya 281 gund û mezrayan hat girtin. Her wiha ji ber berfê rêya bejahiyê ya navbera Amed û Mêrdînê jî hat girtin.    Li Çewlig û navçeyên wê 4 roj in barîna berfa zêde didome. Li hin cihên bilind û çiya berfek sitûr bariyaye. Li tevahiya bajêr û navçeyên wê rêya 281 gundan ji ber berfê hatiye girtin. Tîmên paqijkirina rêyan xebatên xwe didomînin.    RÊYÊN BEJAHIYÊ TÊN GIRTIN    Rêya bejahiyê ya di navbera Erzirom û Çewligê de jî li çûnehatê tê girtin    Rêya bejahiyê ya di navbera Amed û Mêrdînê de jî ji ber barîna berfa zêde hat girtin. Tîmên paqijkirina rêya bejahiyê xebatên rê vekirinê didomînin.    NAVÇEYÊN AMEDÊ XEMILÎN    Li navçeyên Farqîn, Licê, Pasûr, Hênê, Pîran, Erxenî, û Karazê yên Amedê jî berf zêde bariya. Navendên navçeya bi spiya berfê xemilî û bi sedan rêyên gundên girêdayî navçeyan hatin girtin.   SÊRT    Li Sêrt û navçeyên wê jî ji duh bi şev ve barîna berfê didome. Rêyên gelek gundên navend û navçeyan ji ber berfê hatin girtin.