‘Sedema negirtina daxwaznameya PÎA’yê çiye?’

2021-01-18 10:38:24


	 

	ENQERE - Parlementerê HDP’ê Omer Farûk Gergerlîoglû, sedema astengkirina avakirina Partiya Însan û Azadî ji Wezîrê Karê Hûndir pirsî. 

	 

	Parlementerê Partiya Demokratîk a Gelan (HDP) Omer Farûk Gergerlîoglû, astengkirina avakirina Partiya Însan û Azadiyê (PÎA) bir rojeva Meclîsê. Gergerlîoglû, ji bo ku Wezîrê Karê Hûndir Suleyman Soylû bibersivîne pêşniyazpirsek da Serokatiya Meclisê. Gergerlîoglû, di pêşniyaz pirsê de cih da astengkirina mafên daxwazname û avakirina partiyê ya Cîgirê Serokê Giştî yê PÎA’yê Mûrat Bozdemîr.

	 

	Gergerlîoglû, têkildarî mijarê ev pirs ji Soylû pirsîn: 

	 

	“ *Îdeayên ku peywîrdarên Wezarêta Karê Hûndir ji bo ku daxwaznameyê negirin ferman girtine rast e? Heke ev îdea rast be, fermana wê ji derveyî makêqanûnê kê daye? 

	 

	* Sedemê negirtina daxwaznameya avakirina Partiya Însan û Azadî çî ye?

	 

	* Mafê partî avakirinê ku mafêkî makeqanûnî yê Partiya Însan û Azadiyê ye. Wê heta kengî binpêkirina mafên daxwaznameyê yê PÎA'yê berdewam bike?”