
Zexta aboriyê jî li pêla binçavkirin û girtinan zêde bû! 

2021-01-18 09:08:40


	MÊRSÎN – Hevserokê HDP’a Navçeya Yenîşehîra Mêrsînê Emrah Denîz bi boneya li ser astengkirina daxuyaniyê bi polîsan re nîqaş kir 789 lîre cezayê pere lê hat birîn. Denîz got: “Niha zexta aborî jî li zextên heyî wek binçavkirin û girtinê zêde kirin.”&nbsp;

	Rêxistina HDP’ê ya Bajêr a Mêrsînê di 22’ê kanuna 2020’an de têkildarî greva birçîbûnê ya li girîgehan xwest daxuyanî bide. Lê polîsan nehişt HDP daxuyanî bide û di navbera rêveberên HDP’ê û polîsan de nîqaşa destûrnedayînê derketibû. Li Hevserokê Rêxistina HDP’ê ya Navçeya Yenîşehîra Mêrsînê Emrah Denîz bi hêceta “mesafeya sosyal” li ber çavan negirtiye û Madeya 282’AN A Qanûna Umumî ya Hifzissihha ya Hejmara 1593’yan binpê kiriye 789 lîre cezayê pere razandinê hat birîn.&nbsp;

	&nbsp;

	Her wiha HDP’ê di 23’yê kanûnê de jî li dijî girtina Hevseroka KCD’ê Leyla Guven daxuyanî dabû û Hevserok Emrah Denîz jî di nav de bi heman hêcetan 6 hezar û 300 lîre cezayê pere li 7 HDP’iyan hatibû birîn.&nbsp;

	&nbsp;

	‘NIHA JÎ ZEXTÊN ABORÎ LI ME DIKIN’&nbsp;

	&nbsp;

	Emrah Denîz têkildarî vî cezayê pereyan axivî û destnîşan kir ku ev salek e polîs vê rêbazê bikar tînin û bi van sepanan zexta aborî li ser wan pêk tînin. Denîz anî ziman ku bi taybetî cezayê pereyan li hin kesan dibirin û got: “Em mantiqê vê bingehîn dizanin. Dixwazin tevgera siyaseta kurd di her warî de bi tengejînin û bixin bin zextan. Niha vî cezayê li me birine jî em wek zextek aborî binav dikin û hewldana dewletê jî ev e. Piştî gelek daxuyaniyan ceza li rêveberên partiya me dibirin. Niha zexta aborî jî li zextên heyî wek binçavkirin û girtinê zêde kirin.”&nbsp;

	&nbsp;

	MA / Omer Akin

	&nbsp;