
Wesayîta karkerên Mexmûrê qeza kir: 4 kesan jiyana xwe ji dest dan

2021-01-17 11:13:31


	&nbsp;

	NAVENDA &nbsp;NÛÇEYAN - Hat diyar kirin ku wesayiteke karkerên penaberên Kampa Mexmûrê tê de bûn, serê sibê dema diçû Bexdayê qeza kir û 4 karkerên wargehê jiyana xwe ji dest dan.

	&nbsp;

	Li gorî nûçeya Rojnewsê, wesayîta karkerên penaberên Şehîd Rustem Cûdî Mexmûrê (Kampa Mexmûrê) tê de bûn, di saetên serê sibê de, dema diçû Bexdayê di navbera rêya qezayên Şirgat û Bêcî yên girêdayî bajarê Selahaddin a Iraqê de, qeza kir. Hat diyarkirin ku di encama qezayê de 4 karkeran jiyana xwe ji dest dan û 2 karker birîndar bûn.

	&nbsp;

	Navê karkerên jiyana xwe ji dest dan wihane: "Denîz Xelîl Denîz, Mehmûd Sîso Tahir, Hogir Mûsa Yûsûf û Cîhat Mihemed Hecî Mihê." Ferhat Xelîl Denîz ku birayê Denîz Xelîl ê di qezayê de jiyana xwe ji dest da ye û Serbest Nazmî Ziyav birîndar bûn.

	&nbsp;

	&nbsp;Xelkê wargehê bi bihîstan qezayê re berê xwe dan seytereyê û li benda cenazeyên karkerane. Tê payîn li Saziya Malbatên Şehîdan merasîmek ji bo kesên di qezayê de jiyana xwe ji dest dan, were lidarxistin.

	&nbsp;