
Li Şirnexê 6 kes hatin berdan û kesek hat girtin

2020-12-03 20:46:08


	&nbsp;

	&nbsp;

	ŞIRNEX - Li Şirnex û navçeyên wê ji 23 siyasetmendarên ku hatibûn binçavkirin 13 kes jê hatin berdan.

	&nbsp;

	Di operasyonên li navenda Şirnex û navçeyên wê Cizîr, Hezex, Silopiya, Qileban û Elkê de hatibûn kirin, 23 siyasetmender hatibûn binçavkirin. Ji 23 kesên ku binçavkirinê 13 kes jê hatin berdan.

	&nbsp;

	Hevserokê Partiya Demokratîk a Gelan (HDP) ya Sîlopiyayê Kadîr Kunur jî di nav de 7 kes piştî îfadeyê li Miduriyeta Polîsan a Şirnexê sewqî dozgeriyê hatin kirin. Dozgeriyê bi daxwaza girtinê 7 kes sewqî dadgehê kirin. Dadgehê bi şertê kontrola edlî 6 kes berdan û Delegeyê Kongreya Civaka Demokratîk (KCD) Ekrem Şavli bi iddaya "Endamê rêxistinê" hat girtin.&nbsp;

	&nbsp;

	Kesên ku hatine berdan navên wan wiha ne: Hevserokê HDP'ê yê navçeya Silopiyayê Kadîr Kunur, Endamê KCD'ê Cemîl Gun, Delegeyê KCD'ê Fîkret Cîn, endamên Meclîsa Giştî ya Bajêr a Şirnexê ku ji kar hatin durxistin Elfesya Nas, Yakup Taniş û Dayika Aşitiyê ya Sîlopiya Şemse Kara.

	&nbsp;

	DI BINÇAVAN DE TESTA WÎ POZÎTÎF DERKET

	&nbsp;

	Her wiha hat ragihandin ku Hevşaredarê berê yê BDP'ê yê Elkê Faîk Dûrsûn ku di bin çavan de ye û nexweşîna pençeşêrê lê peyda bûye û wî rakirine Nexweşxaneya Dewletê ya Cizîrê, testa wî ya Covîd-19'ê pozîtîf derketite. Tedawiya Dursun a li nexweşxanê didome.

	&nbsp;

	Duh jî Hevşaredara Cizîrê Berivan Kutlu jî di nav de 7 siyasetmedar hatibûn berdan.

	&nbsp;

	&nbsp;