
Parêzer Nûçegîhanê MA'yê Karataş ê di bin çavan de ziyaret kir 

2020-11-25 16:09:33


	ERZIROM - Parêzer Nûçegîhanê Ajansa me ya Mezopotamay (MA) Dîndar Karataş ê ku duh hatibû binçavkirin û biribûn Erziromê, li Miduriyeta Polîsan a Erziromê ziyaret kir. Parêzer diyar kir ku tenduristiya Karataş baş e.

	&nbsp;

	Duh polîsên Wanê bi ser mala Nûçegîhanê Ajansa me ya Mezopotamay (MA) Dîndar Karataş de girtibûn û piştî lêgerînê binçav kiribûn. Piştî binçavkirina Karataş bi ser buroya MA'yê ya Wanê de jî girtibûn û kompîtûr desteser kiribûn. Li ser daxwaza dozgeriya Komarê ya Erziromê Dîndar Karataş birin Erziromê û niha li Midûriyeta Polîsan a Erziromê tê ragirtin. Dindar Karataş, îro bi parêzerê xwe re hevdîtin kir û diyar kir ku tenduristiya wî baş e. Karataş, bi rêya parêzer ji bo hemû kesên piştgirî dabûn wî re spas kir.&nbsp;

	&nbsp;

	Karataş, li ser lêpirsîna Dozgerê Komarê yê Erziromê hatibû binçavkirin. Nayê zanîn ku dozger kengî îfadeya Karataş bigire. Ragirtina Karataş a li Midûriyetea Polîsan a Erziromê didome&nbsp;

	&nbsp;