
9 sal cezayê girtîgehê li cîgira hevşaredara berê ya Farqînê hat birîn 

2020-10-22 16:56:27


	&nbsp;

	AMED – Bi angaşta “endamtiya rêxistinê” û “propagandaya rêxistinê” 9 sal cezayê girtîgehê li cîgira hevşaredara berê ya Farqînê Zûhal Tekîner hat birîn.&nbsp;

	&nbsp;

	Danişîna biryarê ya doza ku bi hinceta xebat û çalakiyên di navbera salên 2015-2016’an de tevlî bûbû li cîgira hevşaredara berê ya Farqînê Zûhal Tekîner vebûbû, li 9’emîn Dadgeha Cezaya Giran a Amedê hat dîtin. &nbsp;Tekîner tevlî danişînê nebû parêzerê wê Abdulkadîr Guleç tevlî danişînê bû.&nbsp;

	&nbsp;

	DOZGER CEZA XWEST

	&nbsp;

	Di danişînê de dozger mutatalaaya xwe xwend û bi angaşta “endamtiya rêxistinê” û “propagandaya rêxistinê” ceza ji Zûhal Tekîner re xwest. Parêzerê Tekîner, Abdulkadîr Guleç li dijî mutalaayê parastin kir û destnîşan kir ku ji bilî gotinên bi nakok ên şahidên bûyerê tu delîl tunene û xwest muwekîla wî bê beraetkirin.&nbsp;

	&nbsp;

	9 SAL CEZA

	&nbsp;

	Piştî navberdayînekê heyeta dadgehê biryara xwe aşkera kir û bi angaşt “endamtiya rêxistinê” 7 sal û 6 meh û bi angaşta “propagandaya rêxistinê” jî sal û 6 cezayê girtîgehê li Tekîner birî. &nbsp;

	&nbsp;