
Di doza Medenî Yildirim de bersûc wê beşdarî danişînan nebe

2020-10-22 16:24:37


	&nbsp;

	AMED - Di doza Medenî Yildirim de, dadgehê daxwaza girtina bersûc Adem Çîftçî red kir û biryar da ku bersûc beşdarî danişînan nebe.&nbsp;

	&nbsp;

	Di 28'ê Hezîrana 2013'an de dema protestoya çêkirina qaleqol-qereqolan ên li gundê Hêzan ê Licêya Amedê de Medenî Yildirim ê 19 salî bi guleya eskeran hatibû kuştin. Danişîna 11'emîn doza "Kuştina bi zanebûn" li Adem Çîftî hatibû vekirin, li 7'emîn Dadgeha Cezayên Giran a Amedê hat dîtin. Dayika Yildirim Fahriye Gunduz, parêzerên wî Sîdar Avşar, Ercan Yilmaz û Sevcan Delîdere beşdarî danişînê bûn. Bersûc Çîftî û parêzerê wî bi SEGBÎS’ê tevlî danişînê &nbsp;bûn.&nbsp;

	&nbsp;

	'AXAFTINA DAYIKA WÎ BIRÎ’&nbsp;

	&nbsp;

	&nbsp;Piştî danasîna nasnameyê, danişînê dest pê kir. Dayika Medenî Yildirim Fahriye Gunduz di danişînê de axivî û got: “Bi salane danişîn dewam dike.” Serokê Dadgehê li ser vê yekê axaftina dayika Yildirim birî û ji re got: “Heya ku mijarên kêm bên temam kirin, emê mafê axaftinê bidin te.”&nbsp;

	&nbsp;

	PARÊZERAN KES KU BERSÛC BÊ GIRTIN

	&nbsp;

	Parêzerên malbata Yildirim, xwestin mijarên kêm ên di dosyeyê de bên temamkirin û derbarê bersûc de biryara girtinê bê dayîn. Parêzerê bersûc &nbsp;jî xwest ku muwekîlê wî beşdarî danişînin ne be.

	&nbsp;

	Dadgehê piştî navberê, têkildarî ketin û derketina guleyên li canê Yildirim ketibûn rapor xwest, daxwaza girtina bersûc red kir, biryar da ku bersûc beşdarî danişînan nebe û danişîn taloqî 4’ê Sibatê kir.&nbsp;

	&nbsp;