
Komkujiya Roboskî di meha 105’emîn de ye: Bêcezahiştin didome 

2020-09-28 16:06:47


	ENQERE – Hewldana ji bo Roboskî Edaletê, di meha 105’emîn a komkujiyê de ev daxuyanî da: “Rastiya tiştên em jiyan; nebûna edalet û bêcezahiştinê ye. Di nav aştiyê de em alîgirê pêkve jiyanê ne.”

	&nbsp;

	Hewldana ji bo Roboskî Edaletê, di meha 105’emîn a Komkujiyê Roboskî ku 19 jê zarok bi giştî 34 kesan têde jiyana xwe ji dest dabû de, li Şaxa Komeleya Mafê Mirovan (ÎHD) a Enqerê daxuyanî da. Endamê Lîjneya Birêvebirina Navendî (MYK) ya HDP’ê Ferhat Encu û Hevserokê Rêxistina HDP’ê ya Enqerê Vezîr Parlak jî tevlî daxuyaniyê bûn.&nbsp;

	&nbsp;

	EDALET PÊK NEHATIYE &nbsp;

	&nbsp;

	Di daxuyaniyê de Endamê Hewldanê Tanjû Gunduzalp axivî û bi bîr xist ku di ser komkujiyê de 3 hezar û 197 roj derbas bûne û hê jî edalet pêk nehatiye û wiha got: “Di civakên ku di nav aştiyê de dijîn û hemû mafên wan ên demokratîk radestî wan hatine kirin û pêkanîna komkujiyan nayê fikirîn. Lê zihniyeta ku ji 100 salî ve serdestê welat e, di hêla komkujiyan de heta tu bibêjî tabloyeke nebaş raxistiye ber çavan.”

	&nbsp;

	ALIGIRIYA PÊKVE JIYANÊ

	&nbsp;

	Gunduzalp, bal kişand ser memeleya li navçeya Şaxê ya Wanê ya li dijî welatiyên bi navê Servet Tûrgût û Osman Şiban û operasyona li dijî HDP’ê ya bi hinceta “lêpirsîna Kobanê” pêk hatibûn jî ev tişt got: “Rastiya tiştên em jiyan; nebûna edalet û bêcezahiştinê ye. Di nav aştiyê de em alîgirê pêkve jiyanê ne. Heta ku edalet neyê Roboskî wê edalet neyê welat jî. Roboskî azmûna dewlet û desthilatê ye.”

	&nbsp;

	ŞÊWAZA SIYASETÊ

	&nbsp;

	Ferhat Encu jî, destnîşan kir ku 105 meh in tu kes ji ber komkujiyê nehatiye darizandin û got ku bi desthilateke ku polîtîkaya bêcezahiştinê kiriye şêwaza siyasetê re rûbirû ne.&nbsp;

	&nbsp;