
Li Lubnanê wezîrekê din îstîfa kir 

2020-08-09 20:15:29


	NAVENDA NÛÇEYAN&nbsp; - Piştî teqîna mezin a li Beyrûtê, Wezîrê Derdorê yê Lubnanê Damîanos Kattar jî îstîfa kir.

	Li paytexta Lubnanê bajarê Beyrûtê, di teqîna mezin a di 4’ê Tebaxê rû da de, 158 kesan jiyana xwe ji dest da bûn û bi hezaran kes birîndar bibûn. Piştî teqînê çalakiyên li dijî hikumetê dewam dikin. Ji ber teqîn û çalakiyan wezîrekê din jî îstîfa kir. Wezîrê Derdorê Damîanos Kattar, ragihand ku îstîfa kiriye.

	Wezîra Enformasyonê ya Lubnanê Menal Abdussamed jî, ji gelê Lubnanê lêborîna xwe xwestibû û ji peywira xwe ya hikumetê îstîfa kiribû.

	Li aliyê din, di çalakiyên duh bi şev ên li Beyrûtê rû dan de, şer di navbera xwepêşandan û polîsan de derketibû û bi sedan kes birîndar bibûn.

	&nbsp;

	&nbsp;