
HDP’ê bi protestoyê dest bi hevdîtinên teklîfa pir baroyan kir  

2020-07-08 15:36:24


	ENQERE – HDP’ê teklîfa pir baroyan ku anîn Desteya Giştî ya Meclîsê şermezar kir. Parlamenterên HDP’ê bi wêneyên “meşa parastinê” ya baroyan hatin Desteya Giştî û bi yek dengî gotinên Molîer xwendin.

	Guhertina pergala baroyan a li ser xwesteka AKP-MHP’ê ku bi teklîfa pir baroyan tê nîqaşkirin li Komîsyona Edaletê ya Meclîsê hatibû pejirandin. Xalên vê teklîfê îro anîn rojeva Desteya Giştî ya Meclîsê û li serê hevdîtin tê kirin. Hevdîtin wê ji du beşan pêk werin û teklîf ji 28 xalan pêk tê. Wê li ser van axaftin were kirin.&nbsp;

	&nbsp;

	Parlamenterên HDP’ê yên ku beşdarî hevdîtinê bûn bi protestoyê dest pê kirin. Parlamenterên HDP’ê bi wêneyên “meşa parastinê” ya serokên baroyan hatin Desteya Giştî û teklîfê şermezar kirin.&nbsp;

	&nbsp;

	Wekîla Seroka Koma HDP’ê Meral Daniş Beştaş di cihê xwe de mafê axaftinê wergirt û axivî. Beştaş bertek nîşanî îşkencekirin û girtina aktîvîsta TJA’yê û endama Desteya Rêveberiya Xwecihî ya HDP’ê Rojbîn Çetîn da û bi derew û îdiayên derveyî rastiyê hatiye girtin û îşkence hatiye rewakirin.&nbsp;

	&nbsp;

	Beştaş û parlamenterên HDP’ê rabûn pêya û wêneyên meşa serokên baroyan û mudaxileya polîsan li dijî serokên baroyan hildan û nîşanî Desteya Meclîsê dan.&nbsp;

	&nbsp;

	HDP’iyan bi yek dengê gotinên feylesofê Frensî Molîer xwendin û teklîfê şermezar kirin.&nbsp;

	&nbsp;

	Di vê navberê de Wekîlê Serokê Meclîsê Celal Adan mudaxileyî çalakiya HDP’iyan kir û mîkrofanan girt. 5 deqîqe navberê da rûniştina Meclîsê.&nbsp;

	&nbsp;

	&nbsp;