
Polisan mudaxaleyî bîranîna Sêwazê kir û 7 kes binçav kirin

2020-07-02 15:59:06


	ENQERE – Li Enqereyê, polisan mudaxaleyî rêxistinên girseya demokratîk ku li ser daxwaza DAD’ê ji bo bîranîna Komkujiya Sêwazê li hev kom bûbû kir û 7 kesan binçav kir.&nbsp;

	&nbsp;

	Komeleya Elewiyên Dmeokratîk (DAD), &nbsp;xwest di salvegera 27’emîn de Komkujiya Sêwazê bi bîr bîne. Li ser banga DAD’ê rêxistinên girseya demokratîk li Kolana Sakaryayê li hev kom bûn û xwestin qurbaniyên komkujiyê bi bîr bînin. Lê polisan bi hinceta biryara qedexeya pandemiyê ya Walîtiya Enqereyê destûr neda ku rêxistinên bernameya xwe li dar bixin û mudaxaleyî wan kir. Girseya ku parlamentere HDP’ê yê Îzmîrê Mûrat Çepnî jî di nav de ji aliyê polisan ve ji qadê hat dûrxistin.&nbsp;

	&nbsp;

	Di vê gengeşiya ku li vir pêk hat de kesek hat binçavkirin.&nbsp;

	&nbsp;

	MUDAXALEYA DUYEMÎN&nbsp;

	&nbsp;

	Ji ber ku li vir destûr nehat dayîn, girseyê xwest li ber Navenda Giştî ya Komeleyên Çandî yên Pîr Sûltan Abdalê (PSKAD) daxuyanî bide. Li vir jî polisan destûr neda û mudaxaleyî girseyê kir û 6 kesan binçav kirin.&nbsp;

	&nbsp;

	DESTÛR NEDAN ROJNAMEGER BIKIŞÎNIN&nbsp;

	&nbsp;

	Di kêliya mudaxaleyê de polisan destûr neda ku rojnameger kişandinê bikin û wan ji qadê dûr xistin. Kesên ku hatin binçavkirin navê wan wiha ne: Nîlgun Karababa, Aslihan Han, Denîz Akbıyık, Yelda Ozturk, Cemal Çakmak, Mûstafa Bayraktar û Şamîl Parlak.

	&nbsp;