
Danişîna Rojnameger Altan taloq bû 

2020-07-02 13:09:26


	&nbsp;

	MERSÎN – Yekemîn danişîna doza ku bi angaşta “Endamtiya rêxisinê” derbarê nûçegîhana me Berîvan Altan de hatibû vekirin, taloq bû.

	&nbsp;

	Yekemîn danişîna nûçegîhana Ajansa Mezopotamyayê (MA) Berîvan Altan ku di 26’ê mijdara 2019’an de li Mersînê hatibû binçavkirin û bi angaşta “Endamtiya rêxistinê” derbarê wê de doz hatibû vekirin, li 2’emîn Dadgeha Cezaya Giran a Mersînê hat dîtin. Altan û parêzerê xwe Ozgur Çağlar li daneşînê amade bûn.&nbsp;

	&nbsp;

	ROJNAMEYAN PIRSÎN

	&nbsp;

	Danişînê bi tespîta nasnameyê dest pê kir. Di daneşînê de Rojnameya Ozgurlukçu Demokrasî û Rojeva Medya ku bi KHK’ê hatibûn girtin û gotinên şahid ên derbarê wê de ji Altan hatin pirsîn. Altan, diyar kir ku her du rojname jî dema ku derketine qanûnî bûne û piştî erêkirina dozgeriya çapameniyê li bayiyan hatine firotin. Altan, di berdewamê de sûcdariyên li xwe red kir û got ku rojnameyên qanûnî nabin sûc.

	&nbsp;

	DAXWAZA GUHDARKIRINA ŞAHID KIR

	&nbsp;

	Parêzer Ozgur Çaglar jî bi bîr xist kir ku her du rojnameyên ku muwekîla wî pê tê sûcdarkirin derbarê wan de lêpirsîn dubare hatine vekirin û lê venegeriyane dozê û got ku muwekîla wî rojnameger e û xwest ku di danişîna bê de şahid jî bê guhdarkirin.&nbsp;

	&nbsp;

	TALOQÎ 12’Ê MIJDARÊ BÛ

	&nbsp;

	Dadgehê, ji bo ku di danişîneke din de şahid jî bê amadekirin müzekkere nivîsand û danişînê taloqî 12’ê mijdarê kir.&nbsp;

	&nbsp;

	&nbsp;&nbsp;

	&nbsp;