
Polîsan daxuyaniya ji bo girtîgehan asteng kir 

2020-07-01 15:00:29


	STENBOL – Polîsan daxuyaniya MATUHAY-DER’ê ya ji bo binpêkirina mafên girtiyan xwest bide asteng kirin. Serokê Komeleyê Husnu Taş got mafê wan demokratîk hatiye astengkirin.&nbsp;

	&nbsp;

	Komeleya Piştevanî û Alîkariyê ya Malbatên Girtî û Hikumxwaran a Marmarayê (MATUHAY-DER) xwest li ber avahiya xwe ya li Aksaraya Stenbolê têkildarî binpêkirina mafên girtiyan daxuyanî bide çapemeniyê. Polîsan destûr neda daxuyanî were dayîn û asteng kir. Serokê Komeleyê Husnu Taş astengkirina polîsan şermezar kir. Di navbera wî û polîsan de gengeşe derket. Polîsan gefa “binçavkirin û girtinê” li Husnu Taş û beşdarên daxuyaniyê xwarin.&nbsp;

	&nbsp;

	Piştî gengeşeyê di nava deriyê avahiya komeleyê de astengiya polîsan hat şermezarkirin. Hevberdevka HDK’ê Îdîl Ûgûrlû, Hevserokê HDP’a Stenbolê Erdal Avci, Dayikên Aştiyê, Seroka Şaxa ÎHD’ê ya Stenbolê Gulseren Yolerî û nûnerên rêxistinên civakî beşdarî daxuyaniyê bûn.&nbsp;

	&nbsp;

	‘BINPÊKIRINA QANÛNA BINGEHÎN E’&nbsp;

	&nbsp;

	Serokê Komeleyê Hunsu Taş bertek nîşanî astengiyê da û wiha got: “Ev astengî nayê qebûlkirin. Mafê me yê demokratîk tê astengkirin. Lê em ê serî netewînin û di dem û cihên cuda de daxuyaniyan bidin.”

	&nbsp;

	Hevserokê HDP’a Stenbolê Erdla Avci jî destnîşan kir ku mafê wan ê Qanûna Bingehîn hatiye binpêkirin û walîtiyê derbarê qedexeyê de tu agahî nedaye wan û qedexe li dijî hiqûqê ye.&nbsp;

	&nbsp;

	&nbsp;