
Li Basayê bîra sondajê ya nû tê vekirin: Texrîbat dê zêdetir bibe   

2025-08-29 09:43:09


	ŞIRNEX - Şîrketa kîmyewî ya bi navê Derkîm Polîuretan ku dixwaze li navçeya Basayê bîreke sondajê ya nû veke, bi vê xebata xwe dê texrîbata xwezayê ya li herêmê zêdetir bike. Hat zanîn ku li herêmê 2 quleyên “sondajên xwecihî” yên nû hatine avakirin. &nbsp;

	&nbsp;

	Talana ekolojîk a 5 sal berê li çiyayên Cûdî, GAbar, Cilênimêja û herêmên Besta, Feraşîn, Komatê û Qeşûran ên Şirnexê hatiye destpêkirin, didome. Bi birîna daran û lêgerîna madenan re eko-sîstema herêmê tê tunekirin û qadên nû yên talanê tên vekirin.&nbsp;

	&nbsp;

	Ji şîrketên kîmyayê yên Lîneer Groupê ya bi navê Derkîm Polîuretanê, li ser sînorê navçeya Basayê ya Şirnexê bîreke sondajê ya nû vekir û dixwaze xebatên lêgerîna petrolê, derxistina petrolê û depokirinê bike. Bi vê hewldanê re dê texrîbata li herêmê hêj mezintir bibe.&nbsp;

	&nbsp;

	Şîrketa Anonîm a Pîşesazî û Bazirganiyê ya Derkîm Polîuretanê, di bin navê “lêgerîn û hilberandina petrolê” de amadekariyan dike ku li devera gundê Zivinga Hecîelî ya navçeyê li ser qadeke biqasî 7 hezar û 961 metrekareyê xebatên vekirina sondajê bimeşîne. &nbsp;

	&nbsp;

	Bi vê hewldana şîrketê re dê li herêmê pêvajoyeke nû ya talankirina xwezayê dest pê bike. Li gorî dosyaya projeyê ya pêşkeşî Wezareta Hawirdor, Bajarvanî û Guherîna Avhewayê hatiye kirin, dê xebata behsa xeberê tenê bi sondajê bisînor nemîne; di heman demê de dê ji bo derxistina petrolê, depokirina wê û veguhestina wê jî binesaziyê ava bike. Tê payin ku ji bo projeyê biryara “Hewcehî bi Nirxandina Bandora Hawirdorî (ÇHD) nîne” were dayin.&nbsp;

	&nbsp;

	GEF LI SER HEYE&nbsp;

	&nbsp;

	Bi projeyê re dê qadên gelek zindiyan jî bên tunekirin. Qada ku tê payin were vekirin, nêzî qadên çêregeh û çavkaniyên debarê yên xelkê herêmê ne û ev jî dê bi xwe re gefeke mezin ser tenduristiya gel çêbike û rê li ber mexdûriyê veke. Navçeya Basayê, li quntarê Çiyayê Gabarê ye û bi dehan gundên girêdayî wê jî ji salên 90’î heta niha di bin navê “ewlehiyê” de ji hatin û çûna welatiyan qedexe ne.&nbsp;

	&nbsp;

	DI TALANÊ DE ‘QULEYÊN SONDAJA XWECIHÎ’&nbsp;

	&nbsp;

	Li Gabarê bi navê “Seyît Onbaşi” û “Naîm Suleymanoglû” du quleyên sondajê yên nû hatin destpêkirin. Ev quleyên ku navê “Quleyên sondajê yên xwecihî” lê hatiye kirin, xwedî kapasîteyeke sondajê ya 5 hezar metreyan e. Ev sondaj, di çarçoveya protokola di navbera Hevkariya Ananîm a Petrolên Tirkiyeyê (TPAO) û Şîrketa Anonîm a Turkish Petroleum International (TPIC) ve hatin avakirin.&nbsp;

	&nbsp;

	“Quleya Sondajê ya Seyît Onbaşi” li navçeya Silopiyayê di bîra “Atak-3” û “Quleya Sondajê ya Naîm Suleymanoglû” jî li Gabarê li bîra “Şehît Aybuke Yalçin-71” dest bi xebatên sondajê kir.&nbsp;

	&nbsp;

	MA / Zeynep Durgut

	&nbsp;

	&nbsp;

	&nbsp;

	&nbsp;

	&nbsp;