Li gorî daxuyaniya Wezareta Tenduristiyê ya Lubnanê, sibeha Duşemê di êrişa hewayî ya Îsraîlê de li gundê Zifta yê herêma Nabatiyeyê 7 kes mirin. Hate ragihandin ku di nava qurbaniyan de jin û zarokekî ji Sûriyeyê jî hebûn.

 

Di daxuyaniyê de hate gotin, di êrişê de 2 jê jin 8 kes jî birîndar bûn.

 

Di nava rojê de artêşa Îsraîlê êriş bir ser bajarê Sûrê. Di êrişê de 5 kes mirin, 8 kes jî birîndar bûn.

 

Heman êvarê li bajarokê Marwaniyeyê di êrişekê de yek jê zarok 2 kes mirin, 10 kes jî birîndar bûn.

 

Bi vî rengî di êrişên tevahiya rojê de bi giştî 14 kes mirin, zêdeyî 20 kes jî birîndar bûn.

 

ÎSRAÎLÊ ÊRIŞ BIR SER GELEK WARGEHAN

 

Li gorî ajansa nûçeyan a fermî ya Lubnanê ANI, balafirên şer ên Îsraîlê tevahiya rojê bombe li zêdeyî cih û warên li başûrê welêt barand. Di nava cihên hatin bombekirin de bajarê Sûrê jî hebû.

 

Hîzbûllahê jî diyar kir ku hêzên wan li hêzên Îsraîlê yên li başûrê Lubnanê xistine. Lê belê rêxistinê berpirsyariya êrişek li bakurê Îsraîlê negirt ser xwe.

 

Wezîrê Parastinê yê Îsraîlê Israel Katz jî anî ziman ku operasyonên wan ên li hemberî Hîzbûllahê wê dewam bikin. Katz got, "Îsraîl wê liv û tevgera xwe ya li hemberî Hîzbûllahê dewam bike."

 

HEJMARA QURBANIYAN 3 HEZAR Û 600 KES DERBAS KIR

 

Hate ragihandin ku ji 2'ê Adarê û vir ve di êrişên Îsraîlê yên li ser Lubnanê de 3 hezar û 600 kesî jiyana xwe ji dest dan.

 

Rayedarên Lubnanî diyar kirin ku bandora bombardûmanê ya li ser sivîlan giran dibe û bang li derdorên navneteweyî kirin ku ji bo rawestandina şer bikevin nava hewldanan.