ENQERE - Li Churchill House ya li Parlamentoya Ingilistanê resepsiyona Newrozê hat lidarxistin û di bernameyê de têkildarî pirsgirêka kurd û azadiya fîzîkî ya Rêberê PKK’ê Abdullah Ocalan peyam hatin dayîn. 

 

Bi pêşengiya Meclisa Gelê Kurd a Brîtanyayê û Centre for Kurdîsh Progress a navenda xwe li Londonê ye, li Chûrcîll Hoûse ya li Parlamentoya Ingilistanê resepsiyona Newrozê hate lidarxistin. Partiya Karker û parlamentera Kurd û Elewî Feryal Clark Demîrcî malovanî ji resepsiyonê re kirin û Hevserokê Kongreya Neteweyî ya Kurdistanê (KNK) Ahmet Karamûs, Lord Maûrîce Glasman, Parlamenterên Partiya Neteweyî ya Skoçyayê (SNP) Chrîs Stephens, Alîson Thewlîss, Allan Doran, Parlamenterên Partiya Karker, Siyasetmedarê Kurd Osman Baydemîr, Parlamentera berê ya HDP'ê Serpîl Kemalbay, nûnerên rêxistinên Kurdistanî tev li bûn.

 

Ji partiyên cuda parlamenter Ruqa Haq, Jack Lopresti, Mark Eastwood, Barones De Souza Lord Kinnock, Marsha De Cordova, Florence Eshalomi, John Spellar, Virendra Sharma, Jeremy Corbyn, Matt Western, Lloyd Russel-Moyle,  Crispin Blunt, Andrea Jenkyns jî tev li resepsiyonê bûn.

 

Endama Meclisa Şaredariya Bajarê Mezin a Londonê Anne Clarke, Şaredarê Lambethê Claîre Holland û gelek endam û rayedarên gelek şaredariyan beşdarî resepsiyona Newrozê bûn.

 

Di resepsiyonê de rewşa kurdan a li çar parçeyên Kurdistanê hate nirxandin.

 

Parlamenter Feryal Clark Demîrcî, Dîrektorê Kûrdîsh Progress Îbrahîm Dogûş, Parlamenter Paûl Scûlly, Hevserokê KNK'ê Ahmed Karamûs, Parlamenterê Partiya Neteweyî ya Skoçyayê Chrîs Stephens axivîn.

 

Qisekeran Newroz li gelê kurd pîroz kirin û bal kişandin ser zexta li ser kurdan û girîngiya azadiya Rêberê PKK’ê Abdullah Ocalan.

 

Lord John Mann û Paûl Scûlly jî li resepsiyonê axivîn û Newroz li kurdan pîroz kirin.

 

Resepsiyon piştî axaftinan bi hunera koma erbaneyê bi dawî bû.